Almaty qalasynda ulttyq qoǵamdyq qaıyrymdylyq aıasyndaǵy «Altyn Júrek» syılyǵynyń úzdik nomınantary anyqtaldy. Bıyl «Altyn Júrek» syılyǵy óziniń 10-shy mereıtoıyn atap ótkeli otyr.
Bul jaıly ulttyq syılyq uıymdastyrýshylary «Baýyrjan» qaıyrymdylyq qory málim etti. «Altyn júrek» syılyǵyna bıyl 450 ótinish kelip tústi. Úmitkerlerdiń qatarynda tanymal saıasattanýshy Dosym Satpaev, jylsaıynǵy qaıyrymdylyq sharasy «Almaty marafon», kásipkerler Baýrjan Ospanov, Nurlan Smaǵulov, «28 petel» klýby, sondaı-aq AQSh tan kelgen eriktiler Vıktorııa Sharboný ı Elızabet Týrnok bar.
«Altyn júrek» ulttyq syılyǵynyń uıymdastyrýshylary 11 jyl qatarynan elimiz boıynsha naǵyz meıirban, jany jomart jandardy izdep keledi. «Qaıyrymdylyq» syndy asyl qasetti boılaryna sińirgen altyn júrekterge alǵys aıtyp el aldynda madaqtap, marapattap júr.
Shara jylsaıyn «Baýyrjan» qaıyrymdylyq qorynyń bastamasymen, «Nur Otan» partııasy, «Altyn Qyran» kompanııalar toby, «PetroKazahstan» AQ Almaty qalasynyń ákimdiginiń qoldaýymen ótkiziledi.
Osy jyldar ishinde «Altyn júrek»- qaıyrymdylyqtyń nyshany ispettes, qazaq halqynyń meıirimdi ári atymtaı jomart jandarǵa baı ekenin baıqatyp keledi. Jyl boıy ulttyq syılyq uıymdastyrýshylary elimiz boıynsha qaıyrymdylyqpen aınalysatyn jandardy izdedi. 2017 jyly «Altyn júrek» syılyǵyna 455 ótinish kelip tústi. Olardyń 100-ge jýyǵy jeke tulǵalardan.
Úmitkerlerdiń qatarynda tanymal saıasattanýshy «Sóz» mádenı-tanymdyq qordyń avtory Dosym Satpaev úzdiksiz halyq arasynda mádenıet salasyna óz úlesin qosyp júr. Jylsaıynǵy qaıyrymdylyq sharasy «Almaty marafon» sharadan jınalǵan qarajatty qaıyrymdylyq jolyna jumsaıdy. Sondaı-aq, amerıkandyq Vıktorııa Sharboný men Elızabet Týrnok Taraz qalasynda jalǵyzbasty analarǵa baspana berip, jetim balalar úılerinde tárbıelengen balalarǵa kómek beredi.
Altyn júrek atyna laıyq úmitkerlerdi saralaý barysy barlyq kelip túsken ótinishter ishinen 3 qazan ótken eksperttik keńeste ár nomınasııa boıynsha 3 úmitkerden anyqtaldy. Ár úmitker ulttyq syılyqqa usynylǵany jaıly habarsyz. Atymtaı jomart jandar men qaıyrymdylyq jasaǵan mekemelerdi ıgi isterine kýá bolǵan jandar usynady.
Sońǵy ótken qoǵamdyq keńeste ádilqazylar músheligine qazaqstandyq qoǵamdyq qaıratkerleri men BAQ ókilderi qatysty. Olardyń qatarynda; telejúrgizýshi Adel Orazalınova, sport jýrnalısi Genıı Týlegenov, qazaqstandyq voleıbolshy Marına Storojenko, sondaı -aq, «ARTıShOK» teatrynyń negizin salýshy Galına Pıanova men qoǵam qaıratkeri Asııa Ahtanova, jarnamashy Ashat О́skembaev.
«Baýyrjan» qaıyrymdylyq qorynyń atqarýshy basshysy, «Altyn júrek» syılyǵynyń bas úılestirýshisi Gúlzat Rymbaıqyzynyń sózinshe «Altyn júrek» syılyǵynyń 11 jyldyq tarıhynda qaıyrymdy jandardyń qatary 5 ese ósti, 2016-2017 jj aralyǵynda Qazaqstan boıynsha kelip túsken ótinishter boıynsha 29,4 mıllıard teńgege qaıyrymdylyq isteri júzege asyrylǵan. Eń kóp degen ıgi ister qatarynda jetim balalarǵa qoldaý men sport jáne bilim salasyna qatysy bar sharalardyń basym ekeni anyq.
– «Altyn júrek» tarıhy – bul jalpy Qazaqstandyq qaıyrymdylyq tarıhyn bastaıdy. Sebebi, ár úmitker qoǵamnyń damýyna óz úlesin qosyp jatqan jandar. Jylsaıyn osy qaıyrymdy jandar qatary artyp keledi. Máselen6 bıyl «Altyn júrek» syılyǵynyń uıymdastyrý komıtetine 455 ótinish kelip tústi. Atap aıtqandaı osy kúni qaıyrymdy is jasaý kópshiliktiń kúndelikti atqaratyn jumysynyń bir bólshegine aınaldy- deıdi, óz sózinde- Gúlzat Rymbaıqyzy.
Qoǵamdyq keńestiń múshesi bolǵan Adel Orazalıevanyń pikirinshe «Altyn Júrek» syılyǵy- bul qoǵamda ıgi ispen aınalysatyn jandardy saýapty ispen aınalysýǵa degen qulshynysyn arttyratyn shara.
Adel Orazalınova:
- «Altyn júrek» syılyǵy aldymen halyqqa qajet. Sebebi, ol qaıyrymdylyqtyń nyshany. Kez –kelgen adam altyn júrek atyna laıyq bolý úshin tyrysady sondyqtan meıirimdi ispen aınalysýǵa óz erik –jigerin arnaıdy. Al olardy bul isteri úshin baǵalaý artyqtyq etpeıdi. «Altyn júrek» - aldymen adamdardy bir arnada toǵystyrady óıtkeni, jaqsylyqtyń shekarasy ólsheýsiz.
Tanymal qazaqstandyq saıasattanýshy jýrnalıst, Aıdos Sarym «Altyn júrek» syılyǵy qaıyrymdylyq tarıhyna jańa tulǵalardyń esimderin engizedi. Ásirese qoǵamda óz ıgi bastamalaryn jar salmaıtyn atymtaı jomart jandarǵa alǵys aıtýǵa múmkindik beredi.
Aıdos Sarym:
- Meni qaıyrymydylyqpen osy kúni jan-jaqta, sonaý alys aýyldarda múmkindik taýyp aınalysatyn jandar tań qaldyrady. Sebebi, kezinde qaıyrymydylyqpen tek iri komapnııalar men múmkindigi bar kásipkerler ǵana aınalysatyn. Altyn júrek- halyq tańdaýy. Halyqtyń atynan meıirban jandarǵa alǵys aıtý múmkindigi dep bilemin.
«Altyn júrek» ulttyq syılyǵynyń jeńimpazdary 2017 jyly 27 qazan saǵat 19:00de, Almaty qalasy, Abaı atyndaǵy memlekettik akademııalyq opera jáne balet teatrynda saltanatty rásiminde marapattalady.